Mužčyna vyjšaŭ da MZS z płakatam «Spynicie nielehalnuju mihracyju» — atrymaŭ 15 sutak
20 kastryčnika 35-hadovaha Viktara Janyša zatrymali za adzinočny pikiet z płakatam «Ostanovitie nielehalnuju mihraciju/Stop illegal migration» nasuprać Ministerstva zamiežnych spraŭ Biełarusi.
Milicyjanty heta rascanili jak «niesankcyjanavanaje pikietavańnie z metaj vykazvańnia svajho pratestu pa fakcie niazhody ź mihracyjnaj palitykaj Biełarusi, padčas jakoha znachodziŭsia pa adrasie vulica Lenina, 28 i trymaŭ u rukach list z nadpisam «Ostanovitie nielehalnuju mihraciju».
Viktar pahadziŭsia, što parušyŭ zakon ab masavych mierapryjemstvach, ale ŭdakładniŭ, što heta nie było źviazana ź mihracyjnaj palitykaj krainy. Na sudzie jon rastłumačyŭ, što staŭ śviedkaj taho, jak mihrant źbiraŭsia nielehalna pierasiekčy miažu, na što orhany ŭłady paśla skarhi Viktara nijak nie adreahavali. Heta aburyła mužčynu, tamu jon vyrašyŭ vyjści ź pikietam.
22 kastryčnika sudździa Leninskaha rajona Julija Šut asudziła Janyša pa artykule 24.23 KaAP na 15 sutak aryštu.
