U Babrujsku admianili antykavidnyja abmiežavańni na naviedvańnie načnych kłubaŭ
U Babrujsku admianili ŭviedzienyja 18 kastryčnika abmiežavańni na dostup naviedvalnikaŭ u načnyja kłuby, na dyskateki, u kazino i inšyja zabaŭlalnyja ŭstanovy.
Ab hetym paviedamlajecca na sajcie harvykankama ŭ piatnicu, piša Interfaks.
Z 20 kastryčnika z kompleksnaha płana mierapryjemstvaŭ pa prafiłaktycy infiekcyi COVID-19 u Babrujsku vyklučany šerah punktaŭ. U tym liku toj, što tyčycca dostupu rabotnikaŭ i naviedvalnikaŭ na dyskateki, u hulniavyja kłuby, kazino, abjekty hramadskaha charčavańnia, načnyja kłuby, bary, biljardnyja, boŭlinhi, adkrytyja z 23:00 da 8:00.
Dva dni tamu babrujskija ŭłady dazvolili dostup u takija ŭstanovy tolki pry najaŭnaści siertyfikata ab prachodžańni poŭnaha kursa vakcynacyi suprać COVID-19 abo daviedki ab admoŭnym PŁR-teście. Ciapier hetuju normu admianili.
Akramia taho, u Babrujsku, jak i pa ŭsioj Biełarusi, admianili abaviazkovy masačny režym i sacyjalnaje dystancyjavańnie.
