Sinoptyki anansavali pachaładańnie na vychodnych, a to i simvaličny pieršy śnieh
U piatnicu praź Biełaruś pačnie praryvacca chałodny atmaśfierny front. Tempieratura pačnie panižacca. Źmianieńnie charaktaru nadvorja budzie supravadžacca «baryčnaj piłoj» — siońnia atmaśfierny cisk padaje, zaŭtra pačnie aktyŭna raści, raspaviali BiełTA ŭ Hidramiecie.
Fota Viktara Małyščyca
U piatnicu nočču na bolšaj častcy terytoryi krainy, udzień miescami — karotkačasovyja daždžy. Prahnazujecca mocny paryvisty paŭdniova-zachodni viecier.
Dniom budzie +8-14, u Minsku da +11.
U subotu, 23 kastryčnika, na bolšaj častcy terytoryi — karotkačasovyja daždžy. Viecier paryvisty, miescami pa paŭdniovym zachadzie mocny paryvisty. Udzień +6-12 hradusaŭ ciapła. U Minsku da +8.
U niadzielu pachaładaje. Chmar stanie mienš i apadki ŭ mnohich rehijonach spyniacca, ale pa paŭnočnym uschodzie krainy mahčymy pieršy ŭ hetym siezonie simvaličny śnieh. Udzień budzie +4-10.
U pačatku nastupnaha tydnia udzień tempieratura pavietra budzie znachodzicca ŭ miežach ad plus +5-7 da +10-12 hradusaŭ.
A voś ŭ siaredziny nastupnaha tydnia chałodnaje pavietra pakinie Biełaruś i ŭstanovicca ŭmierana ciopłaje jak dla kanca kastryčnika nadvorje.