Stała viadoma, kali ŭ Biełarusi buduć rabić revakcynacyju paśla pieršaha kursa pryščepak
Jak zajaviła pieršaja namieśnica ministra achovy zdaroŭja Alena Bohdan, tempy vakcynacyi ŭzrastajuć.
«U nas jość rehijony, jakija nabližajucca da 35 pracentaŭ pryščeplenaha nasielnictva — my ličym ad ahulnaha nasielnictva, nie vydzialajučy dziaciej. U nas jość i palikliniki ŭ Minsku i rehijonach, jakija pryščapili ŭžo bolš za 50 pracentaŭ nasielnictva starejšaha vieku i tych, chto maje chraničnyja zachvorvańni. Heta siońnia naša hałoŭnaja zadača», — skazała namieśnik ministra.
Jana dadała, što ŭčora ministr Dźmitryj Pinievič padpisaŭ zahad ab źmienie padychodaŭ da revakcynacyi.
«My budziem jaje rabić praz 6 miesiacaŭ — hod paśla poŭnaha kursa vakcynacyi. Usio budzie zaležać ad stanu zdaroŭja pacyjenta, najaŭnaści abo adsutnaści chraničnych zachvorvańniaŭ», — skazała Alena Bohdan.