Čamu navat na vulicy varta nasić masku, kab abaranicca ad kavidu — daśledavańnie
Viadoma, što našeńnie maski ŭ pamiaškańni źnižaje ryzyku zachvareć na kavid. Ale ciapier navukoŭcy śćviardžajuć, što i na vulicy, kali vakoł šmat ludziej, varta nadzieć na siabie masku. Asabliva kali nadvorje vietranaje.
Fota depositphotos.com.
Vučonyja vyśvietlili, što kali čałaviek kašlaje na vulicy, viecier moža pieranieści virusnyja čaścinki (u tym liku i virus kavidu) bolš daloka, čym ich pieraniesła b pavietra ŭ biaźvietranych umovach.
Tamu kali čałaviek, inficyravany kavidam, kašlaje ŭ nakirunku, jaki supadaje z nakirunkam vietra, heta pavyšaje ryzyku raspaŭsiudu virusa, piša inews.co.uk.
Daśledavańnie praviali navukoŭcy ź Indyjskaha instytuta technałohij. Z dapamohaj madeliravańnia jany vyśvietlili, što navat lohki viecier z chutkaściu 8 km/hadz patrabuje padoŭžyć sacyjalnuju dystancyju na 20% - z 1-2 mietraŭ da 1,1-2,2 mietraŭ. Adpaviedna, kali chutkaść vietra składaje 15-17 km/hadz, virus raznosicca jašče na 10-15% bolš daloka.
Varta prymianiać na vulicy i inšyja miery reśpiratornaha etykietu, naprykład, kašlać u łokać abo advaročvacca padčas kašlu ad inšaha čałavieka. Takija miery taksama źnižajuć vierahodnaść raspaŭsiudu virusa.