U Vilni mužčyna streliŭ u achoŭnika kramy paśla prośby nadzieć masku
U aŭtorak u Vilni byŭ paranieny achoŭnik kramy Rimi, jaki paprasiŭ pakupnika nadzieć masku, piša Delfi.
Pa papiarednich źviestkach, u 15:15 u kramu pryjšoŭ mužčyna biez maski. Achoŭnik paprasiŭ jaho nadzieć masku, bo ŭ Litvie dziejničaje takoje praviła. Mužčynu hetaja prośba razzłavała, jon kinuŭsia na achoŭnika. Achoŭnik vyklikaŭ palicyju, adnak mužčyna nie zachacieŭ čakać pryjezdu palicejskich i sprabavaŭ biehčy. Achoŭnik kramy pabieh za im, a ŭciakač vyciahnuŭ pistalet i streliŭ u achoŭnika.
Palicyja zatrymała padazravanaha. Paciarpieły achoŭnik byŭ dastaŭleny ŭ balnicu. Pavodle papiarednich źviestak, jon paranieny ŭ abiedźvie nahi, u pieršym vypadku kula prajšła navylot, u druhim złamanaja kostka. Kiraŭnik kampanii Vitaŭtas Krahžde skazaŭ Delfi, što paciarpiełaha praapieryravali, jaho stan stabilny.
