Vakcynacyja ŭ 11 razoŭ źnižaje imaviernaść śmierci ad kavidu — daśledavańnie
Prafiesar Škoły hramadskaj achovy zdaroŭja pry Univiersitecie Džordža Vašynhtona Leana Vien raspaviała, što kavid-vakcyny źnižajuć imaviernaść infikavańnia ŭ šeść razoŭ, a imaviernaść śmierci — u 11 razoŭ. Pra heta jana zajaviła ŭ intervju CNN.
«Vakcyny suprać COVID-19 nadzvyčaj efiektyŭnyja dla praduchileńnia zachvorvańniaŭ, i asabliva ciažkich. Apošnija danyja amierykanskich centraŭ pa kantroli i prafiłaktycy zachvorvańniaŭ pakazvajuć, što jany pamianšajuć imaviernaść zaražeńnia COVID-19 u šeść razoŭ, a imaviernaść śmierci — u 11 razoŭ».
«Adnak vakcyny suprać COVID-19 nie zaścierahajuć vas na 100%, jak lubaja inšaja vakcyna abo lačeńnie nie źjaŭlajecca 100-pracentna efiektyŭnymi».
Najčaściej u hrupu ryzyki traplajuć ludzi starejšaha ŭzrostu sa spadarožnymi chvarobami i asoby z asłablenym imunitetam.
Akramia taho, ryzyki ŭzrastajuć pry najaŭnaści inšych infiekcyj u arhaniźmie.
Daśledavańni ŭ 13 štatach za paŭhoda pakazali, što całkam vakcynavanyja asoby składali tolki 4% usich špitalizacyj z karanavirusam.
Niepryščeplenyja asoby traplajuć u balnicy z-za kavidu ŭ 17 razoŭ čaściej, čym całkam vakcynavanyja.