Sałdatu, što ŭviesnu ŭciok z palihona na hruzaviku, dali siem hadoŭ kałonii
Sud Hłybockaha rajona razhledzieŭ kryminalnuju spravu ŭ dačynieńni da 19-hadovaha sałdata Alaksandra Karatkieviča, jaki ŭ krasaviku źbieh z palihona i chavaŭsia ad milicyi.
Małady čałaviek svaju vinu pryznaŭ častkova, paviedamlaje BiełTA.
Chłopca abvinavačvali pa č. 1 art. 214, č. 3 art. 294, č. 2 art. 295, č. 2 art. 363, č. 1 art. 445 KK RB — heta samavolnaje pakidańnie miesca słužby, uhon, kradziež ahniastrelnaj zbroi, padrobka abo naŭmysnaje źniščeńnie markiroŭki ahniastrelnaj zbroi i supraciŭ słužbovaj asobie.
Jamu pahražała da 10 hadoŭ źniavoleńnia.
Nahadajem, što incydent zdaryŭsia 2 krasavika. Alaksandr uciok z palihona ŭ Bresckaj vobłaści. Chłopiec źjechaŭ na hruzaviku, z saboj u jaho była zbroja. Aŭtamabil znajšli na abočynie va Ušackim rajonie Viciebskaj vobłaści, a sałdata znajšli praz dva dni ŭ adnoj ź viosak taho ž rajona. Pra heta milicyi paviedamili miascovyja žychary.
«Što ŭsio budzie dobra, nie piša: nie lubić chłusić». Mama sałdata, jaki źbieh u krasaviku z palihona sa zbrojaj — pra spravu syna
Babula, jakaja dapamahła złavić biehłaha sałdata: «Kažu jamu: dzietačka, idzi ad mianie, ja nikomu nie skažu, tolki idzi»
