Italija pasadziejničaje paskareńniu pryznańnia «Sputnika V» u Jeŭrasajuzie
Pasoł Italii ŭ Maskvie Džordža Starače zajaviŭ, što kraina nie budzie pryznavać rasijskuju vakcynu «Sputnik V» biez uzhadnieńnia ź Jeŭrapiejskim sajuzam, adnak maksimalna pasadziejničaje i akaža dapamohu ŭ tym, kab paskoryć hety praces, paviedamlaje ria.ru.
Dypłamat padkreśliŭ, što ab pryznańni na nacyjanalnym uzroŭni havorki pakul nie idzie, pakolki Italija ciesna intehravanaja ŭ Jeŭrasajuz i z pavahaj stavicca da rehulatarnych pracedur u supolnaści, tamu taki šlach, jak, naprykład, u Vienhryi, jakaja pryznała vakcynu, vyklučany.
«Viadoma, Italija zhulaje svaju rolu ŭ techničnych kansultacyjach. Rašeńnie prymajuć śpiecyjalizavanyja instytuty, ale my chočam, kab praces paskoryŭsia. Čym chutčej jon pojdzie, tym lepš», — skazaŭ na zakančeńnie Starače.
