Šmatdzietnaha baćku z Hrodna, jakoha źbirajucca sudzić za 13 kamientaroŭ, zatrymali na miažy
U Hrodnie źmiaścili pad vartu 36-hadovaha haradzienca, jakoha zatrymali, kali jon sprabavaŭ źbiehčy ź Biełarusi, pieradaje s13.ru.
Haradziencu za 13 kamientaroŭ u telehram-kanałach, jakija jon pakidaŭ sa žniŭnia minułaha hoda pa maj 2021 hoda, vystavili abvinavačańnie pa troch artykułach KK RB. Doma ŭ mužčyny prajšoŭ pieratrus, padčas jakoha siłaviki vyjavili humavuju dubinku, dymavyja šaški, piarcovyja bałončyki, pietardy i hazavyja bałony. Z-za hetaha dadaŭsia jašče adzin artykuł: «Niezakonnyja vyrab, zachoŭvańnie, pieravozka pradmietaŭ, paražalnaje dziejańnie jakich zasnavana na vykarystańni haručych rečyvaŭ».
Na čas śledstva mužčyna znachodziŭsia na voli: u jaho na ŭtrymańni adno niepaŭnaletniaje dzicia i troje małaletnich. Adnak, pa źviestkach USK pa Hrodzienskaj vobłaści, jon pasprabavaŭ schavacca. Jaho abviaścili ŭ vyšuk i zatrymali pry sprobie pierajści biełaruska-polskuju miažu. Ciapier jon znachodzicca pad vartaj.