Minsk i Maskva rychtujuć dakumienty dla kantrakta na pastaŭki hazu ŭ Biełaruś naleta pa staroj canie
Biełaruś raźličvaje na zachavańnie ŭ 2022 hodzie cany na haz z RF na ŭzroŭni $128,5 za 1 tysiaču kubamietraŭ, jak i ŭ hetym hodzie. Pra heta paviedamiŭ žurnalistam u aŭtorak ministr enierhietyki respubliki Viktar Karankievič, pieradaje TASS.
«Na ŭzroŭni kiraŭnikoŭ dziaržaŭ hetyja damoŭlenaści pryniatyja. Cana na pryrodny haz zastajecca na ŭzroŭni $128,5 za tysiaču mietraŭ kubičnych. Ciapier ažyćciaŭlajecca padrychtoŭka nieabchodnych dakumientaŭ dla ich padpisańnia i ŭ dalejšym vykarystańnia ŭžo ŭ častcy realizacyi abumoŭlenaj cany na 2022 hod», — adznačyŭ kiraŭnik biełaruskaha Minenierha.
Jak zajaviŭ 9 vieraśnia prezident RF Uładzimir Pucin paśla pieramoŭ z Alaksandram Łukašenkam, cana na haz dla respubliki zastaniecca bieź źmieny — $128,5 za tys. kub. m. Taksama, jak skazaŭ Pucin, RF nie budzie indeksavać dla Biełarusi canu pa dalaravaj inflacyi.
