Fihurantaŭ «spravy studentaŭ» pačali etapavać u kałonii
Pravaabaroncam stała viadoma, što moładzievuju aktyvistku Ałanu Hiebremaryjam, byłych studentak Taćcianu Jekielčyk, Viktoryju Hrankoŭskuju etapavali dla adbyćcia pakarańnia ŭ homielskuju žanočuju kałoniju praz try dni paśla apielacyi. Jahora Kanieckaha etapavali ŭ treciuju kałoniju «Vićba».
Nahadajem, 5 kastryčnika Minski haradski sud pakinuŭ bieź źmienaŭ prysudy 12 fihurantam «spravy studentaŭ». 11 čałaviek pa spravie atrymali pa 2,5 hoda kałonii ahulnaha režymu. Hleb Ficnier (adziny, chto pryznaŭ vinu) — dva hady kałonii.
Padtrymać dziaŭčyn listami i paštoŭkami salidarnaści možna pa adrasie: PK №4, 246035, h. Homiel, vuł. Antoškina, 3, Ałanie Tadehie Hiebremaryjam, Taćcianie Andrejeŭnie Jekielčyk, Viktoryi Ivanaŭnie Hrankoŭskaj
Padtrymać Jahora možna pa adrasie:
PK №3, 211322, Viciebskaja vobłaść, h.p. Vićba, Jahoru Alehaviču Kanieckamu
