U Minsku 17-hadovy chłopiec raźbiŭ niekalki mašyn
U HUUS Minharvykankama prakamientavali videa, na jakim nieviadomy chłopiec raźbivaŭ škło ŭ čužych mašynach.
Incydent zdaryŭsia ranicaj 10 kastryčnika na vuł. Jasienina, dzie ŭ vychadnyja prachodzić sielskahaspadarčy kirmaš. Małady čałaviek razabraŭ handlovuju pałatku i, adarvaŭšy ad jaje karkasa mietaličnuju trubu, staŭ nanosić udary pa pryparkavanych aŭtamabilach. Chulihana zatrymali vidavočcy. Jany pieradali jaho siłavikam. U vyniku chłopiec byŭ dastaŭleny ŭ rajonnaje UUS dla razboru.
Chłopiec paškodziŭ niekalki mašyn, handlovuju pałatku, chaładzilnuju vitrynu. Užo 12 uładalnikaŭ aŭto źviarnulisia ŭ milicyju z zajavami. Inšyja zajavy praciahvajuć pastupać.
Zatrymanym akazaŭsia 17-hadovy minčanin, navučeniec u staličnym prafiesijnym licei. Małady čałaviek patłumačyŭ svaje dziejańni vialikaj kolkaściu vypitaha ałkaholu.
