Gulagu.net apublikavaŭ apaviadańnie biełaruskaha prahramista, jaki pieradaŭ pravaabaroncam videa katavańniaŭ źniavolenych u Rasii
Zasnavalnik rasijskaha pravaabarončaha prajekta Gulagu.net Uładzimir Asiečkin zrabiŭ nievialikaje intervju ź biełaruskim prahramistam, jaki pieradaŭ jamu videazapisy katavańniaŭ źniavolenych u Rasii.
Rasijskija pravaabaroncy atrymali videa ad biełaruskaha prahramista ź imiem Siarhiej. Jon pryjechaŭ u Rasiju i ŭ 2013 hodzie byŭ zatrymany z torbaj z narkotykami, jakuju pieravoziŭ pa prośbie znajomych. U 2015 hodzie Siarhieja asudzili na dzieviać hadoŭ. Jon adbyvaŭ pakarańnie ŭ Sarataŭskaj vobłaści i byŭ administrataram kamier nazirańnia ŭ suchotnaj balnicy. Paśla vyzvaleńnia Siarhiej paprasiŭ palityčny prytułak u ES.
Prahramist zajaviŭ, što chacieŭ danieści da ludziej infarmacyju ab katavańniach źniavolenych u Rasii.
Taksama Gulagu.net pakazaŭ videa katavańniaŭ byłoha źniavolenaha Ramana Hurtavoha, jakoje było źniataje ŭ lutym 2020 hoda. Na im dvoje mužčyn trymajuć nohi Hurtavoha, a treci mužčyna padychodzić da jaho i pačynaje hvałtavać.
U katavańniach udzielničali źniavolenyja, jakija supracoŭničali ź siłavikami.
Raniej stała viadoma, što pravaabaroncy atrymali bolš za 40 hihabajt videa, dakumientaŭ i fatahrafij z katavańniami i ździekavańniami.
Paśla hetaha Śledčy kamitet Rasii raspačaŭ kryminalnuju spravu. Niekalki kiraŭnikoŭ rehijanalnaha ŭpraŭleńnia turemnaha viedamstva byli adpraŭlenyja ŭ adstaŭku.