Udavu Zielcera pieraviali na Vaładarku, u svajakoŭ nie biaruć pieradačy
Maryja Uśpienskaja, udava Andreja Zielcera, była zatrymanaja padčas šturmu ich kvatery kadebešnikami. SK paviedamiŭ, što na Maryju zaviali spravu za saŭdzieł u zabojstvie. Joj pahražaje 25 hadoŭ.
Spačatku žančynu źmiaścili na Akreścina. Ale ciapier jaje pieraviali ŭ SIZA na Vaładarskaha.
«Kali dačka była na Akreścina, pieradaču dla jaje ŭziali. Tam my pieradali ciopłyja rečy, zubnuju ščotku. Ale litaralna dniami Maryju pieraviali na Vaładarskaha. My ŭ piatnicu panieśli pieradaču tudy, ale jaje brać admovilisia, paviedamili, što Maryja na karancinie, — kaža maci Uśpienskaj. —
Advakat zusim niadaŭna prystupiŭ da pracy, pakul što jany pryvatna nie stasavalisia. Listoŭ ad jaje ja nie atrymlivała. Tamu absalutna nijakaj infarmacyi pra Maryju ŭ mianie niama».