U Biełarusi abkładuć padatkam tavary z Ozon, Wildberries i Aliexpress?
Na sajcie Ministerstva finansaŭ Biełarusi apublikavany dakumient «Infarmacyja ab asnoŭnych źmienach, jakija ŭnosiacca ŭ Padatkovy kodeks». U prajekcie havorycca pra «ŭviadzieńnie abaviazku pa vyličeńni i vypłacie PDV zamiežnymi arhanizacyjami i zamiežnymi IP pry elektronnam dystancyjnym prodažy tavaraŭ». Nahadajem, pamier PDV u Biełarusi — 20%.
Takaja miera nakiravana na «vyraŭnoŭvańnie ŭmoŭ padatkaabkładańnia PDV tavaraŭ, što realizujucca na terytoryi Respubliki Biełaruś».
Ciapier biełaruskija kramy vypłačvajuć PDV pry realizacyi tavaraŭ, a zamiežnyja pradaŭcy pry elektronnym dystancyjnym prodažy tavaraŭ nie źjaŭlajucca płacielščykami PDV.
Hetaja norma ŭstupić u siłu z 1 lipienia 2022 hoda.
Z prajekta niezrazumieła, jakim čynam budzie ažyćciaŭlacca apłata PDV, chto budzie płacić PDV (internet-placoŭka albo sam pakupnik). Ź ciapierašniaha prajekta taksama niezrazumieła, ci padaražejuć tavary dla kančatkovaha biełaruskaha spažyŭca Ozon, Wildberries i Aliexpress na 20%.
