Za abrazu dzieviaci supracoŭnic AMAP minčancy dali try hady «chatniaj chimii»
Jana vypłacić paciarpiełym 6 tysiač rubloŭ.
spring96.org
Minčanku Śviatłanu Baranoŭskuju sudzili za abrazu pradstaŭnika ŭłady. Žančynu abvinavačvali ŭ tym, što jana pakinuła abraźlivy kamientar pad fatahrafijaj dzieviaci supracoŭnic AMAP u adnym z telehram-kanałaŭ, paviedamlajuć pravaabaroncy.
Sudździa pastanaviła vypłacić kampiensacyju maralnaj škody šaści supracoŭnicam AMAP pa 500 rubloŭ i trom — pa 1 tysiačy rubloŭ.
Na sudzie Śviatłana patłumačyła: «Na emocyjach pakinuła hety karotki kamientar, zakryła kanał i davoli chutka zabyłasia. Heta jak kali idzieš i vypadkova stukniešsia palcam ab vuhał, skažaš drennaje słova i pojdzieš dalej — i heta nie aznačaje kahości abrazić».
Žančyna prasiła stroha nie karać i pamienšyć pamier vypłat kampiensacyj: adna z paciarpiełych zajaviła pazoŭ u 10 tysiač rubloŭ.
