Hłabalnaje paciapleńnie źniščaje viečnuju mierzłatu ŭ Rasii i pahražaje ekanomicy krainy
Enierhietyčnaja śfiera pad asablivaj niebiaśpiekaj.
Fota depositphotos.com
Dźvie treci terytoryi Rasii — u tym liku važnyja enierhietyčnyja abjekty — znachodzicca na hlebie, što pakrytaja viečnaj mierzłatoj.
Z 1972 hoda siaredniaja tempieratura ŭ hetaj krainie raście prykładna na 0,5 hradusa Celsija kožnyja dziesiać hadoŭ, i viečnyja ldy nie vytrymlivajuć takoha paciapleńnia. Jany pačynajuć rastavać.
U takich umovach stan abstalavańnia na rasijskich šachtach i zavodach usio bolš paharšajecca praz karoziju. Trubapravody taksama łomiacca.
Macavańni i inšyja detali trubapravodaŭ, jakija raniej ustaloŭvalisia ŭ viečnamiorzłuju hlebu, ciapier časta padviarhajucca karozii, pierakručvajucca i zhibajucca, piša Wall Street Journal.
Kampanii vydatkoŭvajuć miljony dalaraŭ na ŭmacoŭvańnie budynkaŭ, manitorynh tempieratury hleby i ŭstaloŭvańnie vysokatechnałahičnych achaładžalnych sistem. Rasijskija čynoŭniki i navukoŭcy ličać, što źniknieńnie viečnaj mierzłaty moža paŭpłyvać bolš čym na 20% infrastruktury krainy.
U vyniku hetaha rasijskaja ekanomika za pieryjad da 2050 hoda moža stracić bolš čym 68 miljardaŭ dalaraŭ. Pry hetym 40% budynkaŭ i abjektaŭ infrastruktury ŭ rehijonach ź viečnaj mierzłatoj užo paškodžanyja praz hłabalnaje paciapleńnie.
U vypadku z enierhietyčnymi kampanijami źniknieńnie viečnaj mierzłaty ŭpłyvaje i na praces zdabyčy resursaŭ, i na ich transparciroŭku.
Prykładna 90% abjektaŭ vytvorčaści «Hazprama» znachodziacca na terytoryi, pakrytaj viečnaj mierzłatoj. Na Bavanienkaŭskim radoviščy hazu ŭ Paŭnočnaj Rasii kampanija ŭstalavała 1000 paravadkasnych achaładžalnych ustanovak, jakija pieraduchilajuć rastavańnie mierzłaty.
Ekśpierty banka Morgan Stanley ličać, što hłabalnaje paciapleńnie i paharšeńnie stanu infrastruktury pahražaje kredytazdolnaści Rasii. Naftava-hazavy siektar składaje 20% unutranaha vałovaha praduktu krainy, a paliŭnyja i enierhietyčnyja pradukty ŭvohule składajuć bolšaść rasijskaha ekspartu.
Čytajcie taksama: Rasija zastajecca krainaj ź nizkaj pradukcyjnaściu pracy i poŭnaj adarvanaściu sistemy adukacyi ad patreb ekanomiki — daśledavańnie
Napružanaść pamiž Hiermanijaj i ZŠA i «hieapalityčnaja zbroja». Za što krytykujuć trubapravod «Paŭnočny patok — 2»?
