Pa ŭsim śviecie nie pracujuć papularnyja sacsietki Instahram, Fejsbuk i Vatsap
Hłabalny zboj pačaŭsia prykładna ŭ 18.30. Sacsietki pakul nie tłumačać, što stała pryčynaj abvału. «Paciarpicie, my hetym zajmajemsia!» — piša kamanda Instahrama.
U paniadziełak, 4 kastryčnika, u pracy sacyjalnaj sietki Facebook i Instagram adbyŭsia zboj. Pra heta kažuć danyja Downdetector.
Karystalniki masava nie mohuć zajści na svaje staronki. Servisy niedastupnyja ŭ niekatorych krainach śvietu, u tym liku ŭ Biełarusi.
Pradstaŭniki Facebook adznačyli, što pracujuć nad vyrašeńniem prablemy.
«Nam viadoma, što ŭ niekatorych ludziej uźnikajuć prablemy z dostupam da našych dadatkaŭ i praduktam. My pracujem nad tym, kab jak maha chutčej viarnuć usio ŭ normu, i prynosim prabačeńni za mahčymyja niazručnaści», — havorycca ŭ paviedamleńni.
Taksama jość prablemy i ŭ pracy WhatsApp.
