Anatola Šumčanku pieravodziać u reanimacyju
Siońnia lidaru abjadnańnia «Pierśpiektyva» stała horš.
«Pieravodziać u reanimacyju pa sercy! Usie astatnija pakazčyki zdarovyja. Doktar tak i skazaŭ: zdarovy. Buduć UHD serca rabić. Biez kisłarodu vielmi składana dychać. Voś taja padstupnaść, pra što kazaŭ: kavid vylečyli, a pamreš ad inšaha ŭskładnieńnia. Drennyja spravy, choć učora ŭsio było supier», — napisaŭ u fejsbuku staršynia likvidavanaha ŭładami abjadnańnia pradprymalnikaŭ «Pierśpiektyva» Anatol Šumčanka.
Siońnia raniej jon pisaŭ, što adčuŭ rezkaje paharšeńnie stanu i ciapier znoŭ znachodzicca pad kisłarodam.
«Paspaŭ biez kisłarodu, ranicaj kašal z kryvioju i zdušvańnie ŭ hrudziach. Uvohule aptymizmu ŭsio mienš i mienš», — pisaŭ Šumčanka.
Pradprymalnik zachvareŭ na karanavirus bolš za try tydni tamu, u špitali jon znachodzicca ŭžo 21-y dzień i aktyŭna raspaviadaje pra ciačeńnie chvaroby ŭ svaim fejsbuku.
U hałoŭnaha treniera zbornaj pa futbole Hieorhija Kandraćjeva — karanavirus. U piatnicu — matč z Estonijaj
