U Izraili treciaja pryščepka stała abaviazkovaj dla atrymańnia kavid-pašparta
U niadzielu, 3 kastryčnika, urad Izraila pazbaviŭ bolš za miljon hramadzian COVID-pašpartoŭ, staŭšy pieršaj krainaj, jakaja budzie rehulavać pryščepki ŭ jakaści dokazu poŭnaha imunitetu. Zaraz u krainie dla atrymańnia kavid-pašparta zaraz nieabchodna atrymać try pryščepki.
Takoje rašeńnie ŭładaŭ prymusiła dziesiatki tysiač ludziej paśpiašacca zrabić treciuju pryščepku vakcynaj Pfizer za apošni tydzień, što źjaŭlajecca apošnim šturškom da taho, kab vyvieści Izrail z čaćviortaj chvali pandemii.
«Ja liču, što čaćviortaja chvala padychodzić da kanca. My na šlachu, ale ja kažu heta z aściarožnaściu», — zajaviŭ hienieralny dyrektar Ministerstva achovy zdaroŭja Izraila Nachman Eš.
Ułady Izraila adznačajuć, što tyja, chto vakcynavaŭsia bolš čym paŭhoda tamu, zaraz abaviazany atrymać bustarnuju dozu vakcyny, kab ich kavid-pašpart praciahnuŭ dziejničać. Tolki ź im izrailcianie mohuć naviedvać bary, restarany, kafe i inšyja hramadskija miescy, u tym liku i ofisy mnohich kampanij.
Adznačajecca, što treciuju dozu vakcyny atrymali ŭžo 3,4 młn hramadzian.
