Padpisany novy ŭkaz: staiš u čarzie ŭ vialikim horadzie — možaš pabudavacca ŭ pravincyi ź dziaržpadtrymkaj
1 kastryčnika padpisany ŭkaz №375 «Ab mierach pa akazańni dziaržaŭnaj padtrymki». U im praduhledžvajecca kompleksnaja karekciroŭka zakanadaŭstva pa pytańniach akazańnia hramadzianam dziaržaŭnaj padtrymki pry budaŭnictvie žylla.
Ukazam praduhledžvajecca akazańnie dziaržaŭnaj padtrymki hramadzianam, jakija palapšajuć žyllovyja ŭmovy nie pa miescy pastanoŭki na ŭlik asob, jakim majuć u hetym patrebu. Naprykład, dziaržpadtrymka budzie akazvacca hramadzianam, jakija stajać na ŭliku asob, jakija majuć patrebu: u abłasnych centrach i horadzie Minsku — pry budaŭnictvie žylla ŭ haradach (za vyklučeńniem abłasnych centraŭ i Minska), pasiołkach haradskoha typu i sielskich nasielenych punktach; u haradach abłasnoha i rajonnaha padparadkavańnia — u pasiołkach haradskoha typu i sielskich nasielenych punktach; u pasiołkach haradskoha typu — u sielskich nasielenych punktach.
Pry hetym žycharam abłasnych centraŭ i Minska, jakija budujuć (rekanstrujujuć) žyllo ŭ nievialikich nasielenych punktach (da 20 tysiač čałaviek), dajecca prava na pazačarhovaje atrymańnie dziaržaŭnaj padtrymki (da pryniaćcia ŭkaza — u paradku ahulnaj čarhi).
Praduhledžvajecca dadatkovaja abarona intaresaŭ šmatdzietnych siemjaŭ i siemjaŭ, jakija vychoŭvajuć dziaciej-invalidaŭ. U pryvatnaści, pavieličeńnie da 23 hadoŭ uzrostu dziaciej, pry jakim šmatdzietnaj siamji dajecca prava na atrymańnie finansavaj dapamohi dziaržavy ŭ pahašeńni lhotnych kredytaŭ abo subsidyi na pahašeńnie asnoŭnaha doŭhu pa kamiercyjnych kredytach (da pryniaćcia ŭkaza — 18 hadoŭ); akazańnie šmatdzietnym siemjam, jakija pražyvajuć u sielskich nasielenych punktach, dziaržaŭnaj padtrymki z raźliku 30 kv. m na člena siamji, kali aboje, muž i žonka, pracujuć u takich nasielenych punktach; pavieličeńnie pamieru dziaržaŭnaj padtrymki dla siemjaŭ, u jakich dzieci nabyli invalidnaść u pieryjad budaŭnictva žylla.
U adpaviednaści z dakumientam praduhledžana dadatkovaja abarona intaresaŭ kredytaatrymalnikaŭ i členaŭ ich siemjaŭ. U pryvatnaści, pavieličeńnie da 6 miesiacaŭ terminu viartańnia hramadzianami ŭ biudžet dadzienych im subsidyj pry admovie ich ad budaŭnictva žylla (da pryniaćcia ŭkaza — 3 miesiacy); u vypadku śmierci kredytaatrymalnikaŭ mahčymaść dla paŭnaletnich členaŭ ich siemjaŭ dakredytavacca i atrymać subsidyi ŭ poŭnym abjomie (pa pryniatych rašeńniach); mahčymaść pieravodu doŭhu pa lhotnych kredytach na adnaho z byłych muža i žonki z zachavańniem za imi prava na atrymańnie finansavaj dapamohi i adterminoŭki ŭ pahašeńni kredytu.
