Dobraachvotnaje piensijnaje strachavańnie płanujecca zapuścić z 1 kastryčnika 2022 hoda. Što pra heta viadoma
Zajmacca pytańniem budzie kampanija «Stravita».
Rabotnikam u Biełarusi prapanujuć novy vyhadny miechanizm dla dobraachvotnaha nazapašvalnaha strachavańnia piensij. Adpaviedny prajekt ukaza abmiarkoŭvaŭsia na naradzie ŭ Łukašenki. Pra heta raspaviała ministr pracy i sacyjalnaj abarony Iryna Kaścievič u efiry telekanała Biełaruś1, paviedamlaje BiełTA.
Ministr pracy i sacyjalnaj abarony adznačyła, što ciapier u krainie ludzi karystajucca pieravažna salidarnaj piensijnaj sistema. Adnak jość i tyja, chto ŭžo ŭdzielničaje ŭ prahramach dobraachvotnaha nazapašvalnaha strachavańnia piensij.
«Adnak dastatkova słabavata raźvivajecca dobraachvotnaje strachavańnie jak dadatkovy elemient da dziaržaŭnaha zabieśpiačeńnie. Uzrovień dobraachvotnaha strachavańnia siońnia ŭsiaho tolki 5%, h.zn. heta tyja, chto pajšoŭ na dobraachvotnaje piensijnaje strachavańnie», — paviedamiła jana.
Adkazvajučy na pytańnie, kali novy vyhadny miechanizm moža zarabić, kiraŭnik viedamstva adznačyła, što ŭ prajekcie ŭkaza praduhledžana data 1 kastryčnika 2022 hoda.
«Čamu z 1 kastryčnika 2022 hoda? Tamu što treba pravieści šerah arhanizacyjna-techničnych mierapryjemstvaŭ, viadoma ž, da hetaha treba padrychtavacca, treba budzie dapracavać šerah prahramnych resursaŭ, kab biez zboju z 1 kastryčnika 2022 hoda čałaviek moh albo pryjści ŭ strachavuju arhanizacyju i zapoŭnić zajavu, albo ž u elektronnym vyhladzie praz sajt padać zajavu i zaklučyć damovu, kab ustupić u hetuju sistemu», — patłumačyła Iryna Kaścievič.
Pavodle jaje infarmacyi, zajmacca ŭsioj hetaj sistemaj budzie «Stravita». «Dziaržava moža harantavać zachavanaść nazapašanych srodkaŭ i resursaŭ praź dziaržaŭnuju arhanizacyju.
Akramia taho, heta dastatkova raźvitaja filijalnaja sietka. I kali pahladzieć na ciapier dziejučy miechanizm, to bolš za 90% čałaviek, jakija pahadzilisia na dobraachvotnaje strachavańnie, zrabili heta mienavita praz hetuju arhanizacyju», — dadała ministr.
Kiraŭnik viedamstva taksama padkreśliła, što ŭ prajekcie ŭkaza praduhledžany miechanizm kapitalizacyi z ulikam tych inflacyjnych momantaŭ, jakija mohuć praciakać na praciahu nazapašvalnaha pieryjadu.