Kaniec epochi Mierkiel: siońnia ŭ Hiermanii bieź dziejnaha kanclera projduć parłamienckija vybary
U Hiermanii siońnia prachodziać vybary ŭ Bundestah. Vybarčyja ŭčastki buduć pracavać z 8:00 da 18:00.
Akramia vočnaha prychodu na ŭčastki, hramadzianie mahli prahałasavać pa pošcie. Dla hetaha treba było zrabić zapyt na biuleteń u pieryjad z 16 žniŭnia da 18:00 24 vieraśnia, zapoŭnić jaho i adpravić pa pošcie, ale list z hołasam u lubym razie pavinien pryjści da zakryćcia ŭčastkaŭ 26 vieraśnia.
Na miescy ŭ niamieckim parłamiencie pretendujuć 6211 kandydataŭ, ź jakich 2024 — žančyny. U vybarach biaruć udzieł 47 palityčnych partyj z 54 isnujučych u krainie. Pry hetym 40 partyj vystavili na hałasavańnie śpisy kandydataŭ. Pałova deputataŭ abirajecca pa śpisach, pałova — pa adnamandatnych akruhach.
U vyniku siońniašnich parłamienckich vybaraŭ u FRH źjavicca novy fiederalny kancler. Anhieła Mierkiel nie vystaŭlaje svaju kandydaturu na vybarach. Jana maje namier syści z palityki.
Čakajecca, što asnoŭnaja baraćba za bolšaść u Bundestahu i prava sfarmavać urad razhorniecca pamiž Sacyjał-demakratyčnaj partyjaj Hiermanii, kirujučym błokam Chryścijanska-demakratyčnaha i Chryścijanska-sacyjalnaha sajuzaŭ. Taksama surjoznuju rolu mohuć adyhrać «Zialonyja». Akramia taho, u parłamient majuć realnyja šancy patrapić Svabodnaja demakratyčnaja partyja, «Alternatyva dla Hiermanii» i Levaja partyja.
