Aktyvistku Palinu Šarendu-Panasiuk pastavili na prafulik jak «schilnuju da zachopu zakładnikaŭ». Jana dvojčy admaŭlałasia pisać prašeńnie ab pamiłavańni
Administracyja kałonii skłała na Palinu Šarendu-Panasiuk try pratakoły i da siaredziny vieraśnia jaje ŭtrymlivali ŭ ŠIZA. Pra heta muž Paliny Andrej Šarenda paviedamiŭ Reform.by.
Ciapier aktyvistku jašče pastavili i na prafiłaktyčny ŭlik jak «schilnuju da zachopu zakładnikaŭ, napadu na administracyju i chulihanskich prajavaŭ». Viadoma, što Palina dvojčy admaŭlałasia pisać prašeńnie ab pamiłavańni.
Palitźniavolenuju maci dvuch niepaŭnaletnich synoŭ u červieni asudzili da 2 hadoŭ kałonii ahulnaha režymu. Žančynu vinavacili pa šerahu artykułaŭ Kryminalnaha kodeksu: art. 364, art. 368 i art. 369. Paciarpiełymi pa spravie prachodziła ažno 7 milicyjantaŭ. Pa viersii abvinavačvańnia, žančyna nibyta plunuła i ŭdaryła adnaho ź ich padčas ahladu, ź inšaha sarvała masku, a astatnich — abražała. Taksama jaje abvinavacili i ŭ abrazie Łukašenki.
Padtrymajcie Palinu listom: PK №4, 246035, h. Homiel, vuł. Antoškina, 3.
Čytajcie taksama:
«Palina žestami dała zrazumieć, što treba źjazdžać». Muž Paliny Šarendy-Panasiuk — pra spatkańnie z žonkaj, ucioki z krainy i mihrantaŭ na miažy ź Litvoj
