Viarchoŭnaja rada Ukrainy pryniała zakon «pra aliharchaŭ». Pad jaho moža trapić były prezident
Ličyć aliharcham buduć taho, chto ŭdzielničaje ŭ palityčnym žyćci, maje značny ŭpłyŭ na ŚMI, źjaŭlajecca bienieficyjaram kampanii-manapalista i maje aktyvy bolš za 1 młn pražytačnych minimumaŭ (bolš za $85 młn).
Rašeńnie ab pryznańni čałavieka aliharcham budzie prymać Rada nacbiaśpieki i abarony Ukrainy, dla hetaha stvorać śpiecyjalny rejestr.
Aliharcham zabaroniać finansavać palityčnyja partyi, kandydataŭ dy mitynhi i ŭdzielničać u pryvatyzacyi abjektaŭ vialikaj pryvatyzacyi. Čynoŭniki i kiraŭniki dziaržkampanij abaviazanyja buduć davać spravazdaču ab sustrečach i hutarkach z aliharchami. Aliharch pierad pačatkam razmovy pavinien budzie papiaredžvać, što jon maje taki status.
Zakon budzie dziejničać 10 hadoŭ. Adnym ź pieršych, chto moža patrapić pad jaho, — Piotr Parašenka, były prezident Ukrainy.
