Padpisany novy ŭkaz. Atrymlivać piensii i zarobki možna budzie na bazavy rachunak u banku
Alaksandr Łukašenka padpisaŭ ukaz №363 «Ab biahučym (raźlikovym) bankaŭskim rachunku fizičnaj asoby z bazavymi ŭmovami absłuhoŭvańnia».
Jak paviedamlaje BiełTA, dakumient pryniaty ŭ metach pavyšeńnia jakaści i dastupnaści bankaŭskich pasłuh i sacyjalnaj abaronienaści hramadzian.
Ukazam vyznačajecca prava fizičnaj asoby na adkryćcio adnaho bazavaha rachunku ŭ bankaŭskaj sistemie, a taksama minimalny pieralik biaspłatnych płaciežnych apieracyj ź jaho vykarystańniem.
Dla fizičnych asob, jakija žadajuć atrymlivać sacyjalnyja i pryroŭnienyja da ich vypłaty ŭ bieznajaŭnaj formie, praduhledžana abaviazkovaść adkryćcia bazavaha rachunku. Pierachod da novaj praktyki budzie pastupovym, da 1 lipienia 2025 hoda. Pry hetym najaŭnyja mahčymaści pa atrymańni sacyjalnych vypłat u najaŭnaj formie nie abmiažoŭvajucca.
Taksama praduhledžany abaviazak najmalnika pieraličvać fizičnaj asobie hrašovyja srodki ŭ vyhladzie zarabotnaj płaty i pryroŭnienych da jaje vypłat na bazavy rachunak, paznačany fizičnaj asobaj.
To-bok vynikaje, što ciapier nie abaviazkova karystacca zarobkavym rachunkam ad pracadaŭcy.
Pryniatyja rašeńni dazvolać hramadzianam minimizavać vydatki pa najbolš zapatrabavanych apieracyjach bankaŭ.
Asnoŭnyja pałažeńni ŭkaza ŭstupajuć u siłu z 1 sakavika 2022 hoda.
