U Oršy 36-hadovaja žančyna z nažom napała na 14-hadovuju supiernicu: pryraŭnavała 16-hadovaha chłopca
Złačynstva na hlebie reŭnaści ździejśniena ŭ Oršy: 36-hadovaja žycharka rajonnaha centra ŭdaryła nažom školnicu, paviedamili va UUS Viciebskaha abłvykankama ŭ čaćvier.
«Pavodle papiaredniaj viersii, svarka pamiž dźviuma žycharkami Oršy 36 i 14 hadoŭ uźnikła na hlebie reŭnaści, jakuju adčuvała starejšaja z žančyn. Jana zakachałasia ŭ 16-hadovaha žychara rajcentra. Małady ž čałaviek staŭ prajaŭlać cikavaść da adnahodki. Daviedaŭšysia pra heta, padazravanaja adpraviłasia da supiernicy na razmovu. Hutarka chutka pierarasła ŭ svarku. U vyniku žančyna dastała z sumački nož i pryčyniła školnicy kołata-rezanuju ranu pravaj jahadzicy», — havorycca ŭ paviedamleńni na aficyjnym sajcie UUS.
«Maci paciarpiełaj dziaŭčyny vyklikała chutkuju dapamohu i źviarnułasia ŭ milicyju. Napadnica paśpiašałasia schavacca ź miesca zdareńnia, a taksama schavała pryładu złačynstva. Jaje milicyjanty znajšli praz sutki», — raspaviali ŭ milicyi.
Tam taksama paviedamili, što ŭ dačynieńni da padazravanaj śledčymi zaviedzienaja kryminalnaja sprava. Žyćciu i zdaroŭju padletka ničoha nie pahražaje.
