Mitrapalit Vienijamin raskrytykavaŭ antyvaksieraŭ
Na sajcie Biełaruskaj pravasłaŭnaj carkvy źjaviŭsia zvarot mitrapalita Vienijamina da viernikaŭ, u jakim jon na fonie rostu vypadkaŭ karanavirusu zaklikaje malicca za chvorych i daktaroŭ, a taksama asudžaje antyvaksieraŭ.
«Pamyłkovym źjaŭlajecca śćvierdžańnie, što pryncypovaja admova ad vakcynacyi jak takoj moža być abumoŭlena pravasłaŭnym vieravučeńniem. Vybar na karyść pryščepki abo admovy ad jaje źjaŭlajecca indyvidualnym rašeńniem kožnaha čałavieka, jakija prymajucca na asnovie asabistych pierakanańniaŭ, viedaŭ, žyćciovaha dośviedu, a taksama z ulikam infarmacyi ab mahčymych nastupstvach vakcynacyi, atrymanaj ad miedycynskich rabotnikaŭ, pradstaŭnikoŭ navukovaj supolnaści», — davodzicca ŭ zvarocie.
«Razam z tym niedapuščalnym i hrešnym źjaŭlajecca raspaŭsiudžvańnie łžyvych vučeńniaŭ, jakija atajasamlivajuć vakcynacyju z «pryniaćciem piačatki antychrysta», roŭna jak i śćvierdžańniaŭ ab nibyta tajemnym čypiravańnie čałaviectva, jakoje pravodzicca z dapamohaj vakcynacyi», — aścierahaje mitrapalit.
