Ministr zamiežnych spraŭ Finlandyi raskazaŭ, pra što havaryŭ z Makiejem
Ministr zamiežnych spraŭ Finlandyi Pieka Chaavista zajaviŭ, što z kiraŭnikom biełaruskaha MZS jany abmiarkoŭvali prablemu pravoŭ čałavieka, za parušeńnie jakich ES uvioŭ sankcyi suprać biełaruskaha kiraŭnictva. Chaavista taksama asobna ŭspomniŭ pra bolš jak 600 palitviaźniaŭ u Biełarusi.
Finski ministr paviedamiŭ haziecie Helsingin Sanomat, što davioŭ biełaruskamu ministru, što Finlandyja hatova ŭziać udzieł va ŭrehulavańni biełaruskaha kryzisu ŭ ramkach płatformy ABSIE. Taksama jon nahadaŭ Makieju, što biełaruskaja apazicyja nieadnarazova zaklikała da dyjałohu, adnak ułady nijak nie reahavali na hetyja zajavy.
Pieka Chaavista dadaŭ, što ŭ razmovie z Uładzimiram Makiejem padymałasia tema niezakonnaj mihracyi z terytoryi Biełarusi ŭ krainy ES.
Nahadajem, pres-słužba biełaruskaha MZS zajaŭlała, što ŭ Ńju-Jorku ŭ ramkach Hienasamblei AAN kiraŭnik MZS Biełarusi abmierkavaŭ ź Pieka Chaavista «šerah pytańniaŭ u śfiery ŭzajemnaj cikavaści».
Čytajcie taksama: Što značyć naskok na Biełaruś u AAN. Piša Arciom Harbacevič
