Premjer nazvaŭ prahnoznyja ličby rostu ekanomiki na 2022 hod
Premjer-ministr Raman Hałoŭčanka padčas pasiadžeńnia Savieta Ministraŭ nazvaŭ prahnoznyja pakazčyki rostu ekanomiki na 2022 hod, piša BiełTA.
Hałoŭčanka nazvaŭ takija ličby:
temp rostu VUP składzie 102,9%,
realnyja najaŭnyja hrašovyja dachody nasielnictva płanujucca na ŭzroŭni 102%,
inviestycyi ŭ asnoŭny kapitał pavinny vyraści na 3,3%,
ekspart tavaraŭ i pasłuh pavinien pavialičycca na 6,3%.
Na subsidziravańnie hramadzian pa lhotnym budaŭnictvie žylla praduhledžvajucca srodki ŭ abjomie 476 młn rubloŭ, što ŭ 1,5 razy vyšej za ŭzrovień biahučaha hoda.
Minekanomiki raźličyła, što prahnozy raźvićcia źniešnich rynkaŭ dajuć mahčymaść u nastupnym hodzie naraścić valutnuju vyručku na $2,7 młrd. Pry hetym asnoŭny pryrost pavinien być zabiaśpiečany za košt naroščvańnia fizičnych abjomaŭ ekspartu, adznačyŭ premjer-ministr.
Čytajcie taksama: U Minekanomiki nazvali, jaki budzie siaredni zarobak u nastupnym hodzie
