Estonija płanuje paskoryć ŭładkavańnie miažy z Rasijaj z-za situacyi ŭ Biełarusi
Urad Estonii razhladaje mahčymaść pabudavać miažu z Rasijaj raniej za vyznačany termin. Budaŭnictva miažy pavinna być zavieršana da 2026 hoda, ciapier realizujecca pieršy, 23-kiłamietrovy etap budaŭnictva, jaki pavinien być zavieršany ŭ 2023 hodzie.
«Departamientu palicyi i pamiežnaj achovy dadziena daručeńnie vyśvietlić umovy, pry jakich uschodniaja miaža moža być pabudavana chutčej, biez škody dla jakaści. Departamient vyvučaje hetyja varyjanty i razhledzić pytańnie va ŭradzie hetaj vosieńniu», — zajaviła premjer-ministr Estonii Kaja Kałas na parłamienckich słuchańniach u paniadziełak, piša Postimees.
Pa słovach Kałas, paskoranaje budaŭnictva miažy nieabchodna ŭ śviatle ŭzmacnieńnia mihracyjnaha cisku ŭ suviazi z «hibrydnaj atakaj» Biełarusi.
«Dla praduchileńnia nielehalnaj mihracyi byŭ uzmocnieny kantrol Departamienta palicyi i pamiežnaj achovy na miežach i ŭ partach, a taksama ŭdakładnienaja častka realizacyi płana nadzvyčajnaj imihracyi dla masavaj imihracyi», — skazała premjer-ministr.
Jana paćvierdziła, što krainy Bałtyi i Polšča ciesna supracoŭničajuć pa hetym pytańni i što premjer-ministry abmierkavali budaŭnictva zaharody na ŭschodniaj miažy.
