Žančyna ŭstalavała prahramu addalenaha dostupu — i straciła bolš za 12 tysiač rubloŭ
9 žniŭnia praz Viber 42-hadovaj žančynie ŭ Minsku patelefanavaŭ nieviadomy i pradstaviŭsia rabotnikam jurydyčnaha adździeła asacyjacyi bankaŭ. Padčas zvanka na ekranie adlustravaŭsia łahatyp adnaho z najbujniejšych biełaruskich bankaŭ z nadpisam «Padtrymka».
Surazmoŭca paviedamiŭ, što ad jaje imia adkryta niekalki kredytnych damovaŭ i dla taho, kab ich zakryć, paciarpiełaj nieabchodna ździejśnić niekalki dziejańniaŭ pad jaho kiraŭnictvam, paviedamlaje SK.
U niejki momant žančyna zasumniavałasia ŭ tym, što mužčyna sapraŭdy źjaŭlajecca rabotnikam asacyjacyi bankaŭ i paviedamiła jamu pra heta.
Kab raźviejać sumnievy paciarpiełaj iłžebankir dasłaŭ joj u Viber fatahrafiju paśviedčańnia supracoŭnika orhanaŭ unutranych spraŭ.
Minčanka pavieryła nazvanaj infarmacyi i aformiła jašče dva kredyty.
Paśla taho, jak žančyna, prytrymlivajučysia instrukcyi, dazvoliła im padklučeńnie da svajho mabilnaha telefona praz toj samy dadatak, tyja zmahli daviedacca rekvizity jaje bankaŭskich płaciežnych kartak, aŭtaryzavacca ad jaje imia ŭ asabistym kabiniecie internet-bankinhu i dystancyjna rasparadžacca hrašyma.
