Łukašenka: Napieradzie ŭ nas refierendum. Ale napružvacca asabliva nie budziem
«Refierendum pa źmienach u Kanstytucyju budzie praviedzieny, jak i było abiacana». Pra heta Alaksandr Łukašenka zajaviŭ, prymajučy kadravyja rašeńni pa pryznačeńni kiraŭnikoŭ miascovych orhanaŭ ułady.
BiełTA
Jon nahadaŭ ab praviadzieńni refierendumu i padkreśliŭ, što arhanizavać hety praces — zadača ŭ tym liku i miascovych orhanaŭ ułady. «U kožnaha buduć svaje funkcyi, ale meta budzie adna», — cytuje jaho słovy BiełTA.
«Staršyniam rajvykankamaŭ i supracoŭnikam viertykali ŭłady daviadziecca, viadoma, nialohka. Napieradzie ŭ nas refierendum. Nam daviadziecca pravodzić jaho, pierakonvać ludziej, choć napružvacca my asabliva nie budziem. My prosta ludziam raskažam, jakija pieramieny nas čakajuć u suviazi sa źmianieńniem Kanstytucyi, kab nas nie papraknuli, što my tut utrymlivajem dzika ŭładu pasiniełymi rukami, jak ja časta kažu, i voś pad siabie robim hetuju Kanstytucyju. Nichto pad siabie ničoha rabić nie źbirajecca. Jak abiacali, tak praviadziem refierendum», — padkreśliŭ Łukašenka.