Hramadziancy Rasii z Bresta dali paŭtara hoda kałonii za paklop na Łukašenku
Sud Maskoŭskaha rajona Bresta siońnia vynies prysud pa kryminalnaj spravie hramadzianki Rasii Iryny Vikcholm. Žančynu, jakaja ŭžo 10 hadoŭ žyvie ŭ Breście, abvinavačvali ŭ paklopie pa Alaksandra Łukašenku.
Da Iryny pryjšli 28 maja za tvit, jaki jana źmiaściła 23 maja. Spasyłka była na pieradruk materyjału B-bi-si pra incydent z samalotam Ryanair, pierachoplenym u niebie Biełarusi. Jana pierapościła hety materyjał, supravadziŭšy svaim zahałoŭkam, paviedamlaje «Viasna».
Zatym u žančyny praviali pieratrus, zabrali noŭtbuk, a samu źmiaścili ŭ IČU na 3 sutak. Paśla pieraviali ŭ brescki SIZA, dzie jana była da 5 žniŭnia. Zatym Vikcholm adpravili na ekśpiertyzu ŭ Minsk u RNPC psichičnaha zdaroŭja.
Na sudzie Vikcholm zajaŭlała advod sudździ, advod dziaržabvinavaŭcu, admoviłasia ad pryznačanaha joj advakata. Na sudzie žančyna zajaŭlała, što kryminalnaja sprava ŭ dačynieńni da jaje vidavočna maje palityčny matyŭ.
Siońnia sudździa Jaŭhien Brehan vynies prysud: paŭtara hoda kałonii ahulnaha režymu.
