Pamiłavany palitviazień, jakoha asudzili za raspalvańnie sacyjalnaj varožaści
Palitźniavoleny Alaksiej Koršun — žychar Oršy, zatrymany 31 sakavika. Viadoma, što jaho asudzili da 2,5 hoda kałonii ahulnaha režymu za kamientary ŭ sacyjalnaj sietcy «UKontakcie» pa artykule 130 Kryminalnaha kodeksa (Raspalvańnie sacyjalnaj varožaści). Pa słovach svajakoŭ, Alaksiej taksama siońnia byŭ pamiłavany, paviedamlajuć pravaabaroncy.
Nahadajem, učora stała viadoma, što Łukašenka pamiłavaŭ 13 čałaviek.
Pra heta zajaviła ŭ efiry BT namieśnica kiraŭnika administracyi Volha Čuprys.
Śpisy na pamiłavańnie Łukašenku pieradaŭ Juryj Vaskrasienski. Ale pa słovach Čuprys, u śpisie nie było vyznačana kryteryjaŭ, pa jakich hetyja ludzi pavinny byli być pamiłavanyja, častka ź ich jašče nie asudžanyja. Tyja, chto nie napisaŭ prašeńnia, nie byli pamiłavanyja, jak i tyja, chto ŭžo mieŭ sudzimaści raniej.
Častku pamiłavanych nie vypuściać na volu, a źmieniać formu pakarańnia: pieraviaduć z kałonii na chimiju.
Čytajcie taksama: Pravaabaroncam stali viadomyja proźviščy niekatorych palitviaźniaŭ, jakich pamiłavali
