Pahladzicie, jak vyhladaje pomnik režysioru Barysu Łucenku na Uschodnich mohiłkach FOTAFAKT
U dzień naradžeńnia režysiora Barysa Łucenki na Uschodnich mohiłkach Minska ŭračysta adkryli pomnik na mahile tvorcy.
Siońnia narodnamu artystu Biełarusi spoŭniłasia b 84 hady, nahadvajuć «Minsk-Naviny».
«Minsk-Naviny»
Ušanavać pamiać vydatnaha biełaruskaha režysiora ź jeŭrapiejskim imiem pryjšli jaho kalehi ź minskich teatraŭ, bolšaść — z Teatra imia M. Horkaha, na scenie jakoha Barys Ivanavič pastaviŭ takija kultavyja śpiektakli, jak «Makbiet», «Trochhrašovaja opiera», «Trahiedyja čałavieka», «Amfitryjon», «Trahičnaja apovieść pra Hamleta, prynca dackaha», «Pierad zachodam sonca», «Edyp» i inšyja.
Eskiz pomnika stvaryŭ mastak Vienijamin Maršak. Jon šmat hadoŭ ciesna supracoŭničaŭ i siabravaŭ z režysioram. Pomnik zrobleny z hranitu i bronzy. Jaho hałoŭny elemient — bronzavaje kryło ptuški, u jakim prarezany profil Barysa Łucenki. Nižej — hady žyćcia (1937-2020).
