ZŠA, Brytanija i Aŭstralija stvaryli abaronny aljans suprać Kitaja
Aŭstralija, Vialikabrytanija i ZŠA abviaścili pra stvareńnie novaha trochbakovaha partniorstva ŭ halinie abarony i biaśpieki — AUUKUS.
«Hetaja inicyjatyva nakiravana na zabieśpiačeńnie taho, kab kožny z nas vałodaŭ samymi sučasnymi mahčymaściami, jakija nam nieabchodnyja dla manieŭravańnia i abarony ad budučych pahroz, jakija chutka raźvivajucca», — cytuje VVS Džo Bajdena.
Aŭstralija, Vialikabrytanija i ZŠA zaniepakojenyja rostam vajennaj prysutnaści Kitaja ŭ Inda-Cichaakijanskim rehijonie.
Novaje partniorstva pavinna supraćstajać rehijanalnamu ŭpłyvu Piekina, asabliva ŭ sprečnym Paŭdniova-Kitajskim mory, a taksama procidziejničać uzmacnieńniu Kitaja ŭ vajennaj i technałahičnaj śfierach, piša Politico.
Pieršym prajektam AUUKUS budzie najaŭnaść u Aŭstralii atamnych padvodnych łodak bieź jadziernaj zbroi. Aŭstralija atrymaje ad sajuźnikaŭ technałohii budaŭnictva, admoviŭšysia ad pahadnieńnia z Francyjaj na 66 miljardaŭ dalaraŭ.
