Rasija pačała vyvodzić ź Biełarusi vajskoŭcaŭ i techniku paśla vučeńniaŭ «Zachad-2021»
Vojski Zachodniaj vajennaj akruhi, Pavietrana-desantnych vojskaŭ i avijacyja, zadziejničanyja ŭ sumiesnych vučeńniach «Zachad-2021» na palihonach «Abuz-Lasnoŭski» i «Brescki» ŭ Biełarusi, viartajucca ŭ punkty pastajannaj dysłakacyi, paviedamlaje pres-słužba Minabarony.
Fota Minabarony Rasii
Pa źviestkach viedamstva, u Biełaruś było pierakinuta kala 2,5 tys. rasijskich vajskoŭcaŭ, bolš za 30 samalotaŭ i viertalotaŭ, a taksama da 350 adzinak bajavoj techniki.
«Pieršyja voinskija ešałony ŭžo znachodziacca ŭ ruchu. Padčas dalejšaha pieramiaščeńnia vajskoŭcy i padraździaleńni zrobiać maršy kambinavanym sposabam, pieraadoleŭšy pry hetym adlehłaść ad 800 da 1,2 tys. km» — havorycca ŭ paviedamleńni.
Paviedamlajecca, što vajskoŭcy buduć adpracoŭvać viadzieńnie supraćpavietranaj abarony, a taksama baraćby z dyviersijna-raźviedvalnymi hrupami ŭmoŭnaha praciŭnika.
Vučeńni «Zachad-2021» prachodziać z 10 da 16 vieraśnia adnačasova na dzieviaci rasijskich i piaci biełaruskich palihonach.
