Hienprakuratura vystaviła ŭltymatum biznesu, chacia Łukašenka paabiacaŭ nie zvodzić rachunkaŭ
Namieśnik hienprakurora Siarhiej Chmaruk zajaviŭ, što luby ŭdzieł u «antyhramadskaj dziejnaści pradstaŭnikami biznesu, finansavańnie takoj dziejnaści, a taksama zamach na hramadskuju i dziaržaŭnuju biaśpieku budzie karacca samym žorstkim čynam z vykarystańniem žorstkich mier adkaznaści».
Što ŭ Hienprakuratury ličać «antyhramadskaj» dziejnaściu, Chmaruk nie patłumačyŭ.
Nahadajem, što 19 žniŭnia Alaksandr Łukašenka zajaviŭ, što ź biznesam nichto rachunki nie budzie zvodzić: «Chtości pamyliŭsia, chtości zabłukaŭ, chtości niapravilna zrazumieŭ niešta. Treba ź imi parazumiecca. Ja hatovy navat na maim uzroŭni heta rabić, kali vy znojdziecie adpaviednuju formu. Ale tych, chto pracavaŭ sumlenna ŭ nas, tych, chto choča da nas pryjści pracavać, my pavinny ich prymać jak svaich ludziej, jakija stvarajuć karyść dla naroda i dziaržavy. Pierahibaŭ nielha dapuskać ni ŭ jakim razie».
