Litva abmiežavała prapusknuju zdolnaść ŁEP ź Biełaruśsiu ŭ ramkach «błakady» BiełAES
Litoŭski sietkavy apieratar Litgrid ź sierady abmiežavaŭ maksimalnuju prapusknuju zdolnaść transhraničnych ŁEP na litoŭska-biełaruskim napramku.
Rašeńnie pryniata ŭ ramkach namieraŭ Litvy nie dapuścić traplańnia ŭ enierhasistemu krainy elektraenierhii z AES u Astraŭcy, jakuju Vilnia ličyć niebiaśpiečnaj, piša interfax.by.
Takim čynam, ciapier, pakul nie budzie dasiahnutaje novaje pahadnieńnie Litvy, Łatvii i Estonii ab handli elektraenierhijaj z trecimi krainami (u tym liku z Rasijaj), Litva budzie kiravacca ŭłasnymi praviłami handlu.
Staršynia Dziaržaŭnaha savieta pa rehulavańni enierhietyki Litvy Renatas Pocius raniej zajaŭlaŭ, što ŭ vyniku hetych pryniatych Litvoj mier abjom enierhahandlu Łatvii z Rasijaj pavinien skaracicca prykładna da 320 MVt.
Łatvija i Estonija handlujuć elektraenierhijaj z Rasijaj pa niepaćvierdžanaj Litvoj mietodycy. U vyniku, na dumku słužbovych asob Litvy, elektraenierhija ź BiełAES pastupaje ŭ Litvu praz Łatviju, što parušaje pryniaty Vilniaj tak zvany «antyastraviecki» zakon. Łatvija śćviardžaje, što handluje tolki rasijskaj elektraenierhijaj.
