Alena Anisim: Robim usio mahčymaje, kab zachavać TBM
«Tavarystva biełaruskaj movy» abskardžvaje ŭ Viarchoŭnym sudzie druhoje piśmovaje papiaredžańnie, abvieščanaje arhanizacyi.
Jak raspaviała staršynia TBM i eks-deputat Alena Anisim u intervju Radyjo Racyi, niahledziačy na mocny cisk, arhanizacyja pracuje. Pracuje ofis, adkrytyja bankaŭskija rachunki.
«Budzie razhladacca naša skarha u Viarchoŭnym sudzie, my asprečvajem druhoje piśmovaje papiaredžańnie Miniusta. Kali nam udasca choć niejkim čynam pierakanać u tym, što heta niespraviadliva, to sprava budzie spynienaja ź likvidacyjaj TBM. Zrešty, ja dumaju, što niekamu vielmi vyhodna trymać nas u takim padviešanym stanie — napeŭna, dla taho, kab my albo sami zdalisia, albo tam niechta prymie takoje rašeńnie i, niahledziačy ni na jakija jurydyčnyja pracedury, prosta nas zakryje, — kaža Alena Anisim.
