Muža i žonku piaty raz zapar aryštavali za «ekstremizm» u pryvatnaj pierapiscy. Ahułam siamja praviadzie za kratami 71 dzień
10 vieraśnia paśla čarhovych «sutak» na volu nie vyjšli Siarhiej Krupienič i Anastasija Krupienič-Kandraćjeva, pišuć pravaabaroncy.
Ź lipienia na siamju ŭ Leninskim RUUSie bieśpierapynna składajuć pratakoły pa art. 19.11 KaAP (raspaŭsiudžvańnie infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść) za toje, što jany pierasyłali ŭ pryvatnych paviedamleńniach adno adnamu infarmacyju z «ekstremisckich kanałaŭ». Apošni raz ich aryštavali 26 žniŭnia na 15 sutak. Ale paśla aryštu siamja tak i nie vyjšła na volu — na ich skłali novyja pratakoły pa art. 19.11 KaAP.
Spravy Siarhieja i Anastasii razhladzieła sudździa Leninskaha rajona Julija Šut, ale ŭ roznyja dni: Siarhieja — 10 vieraśnia, a Anastasii — 13 vieraśnia. Ich spravy ŭ raskładzie źjavilisia tolki paśla suda. Viadoma, što muža i žonku znoŭ asudzili na 15 sutak kožnaha. Ahułam sudździ Leninskaha rajona aryštavali Siarhieja i Anastasiju na 71 sutki.
