Piaskoŭ: Pytańnie ab raźmiaščeńni ŭ Biełarusi S-400 budzie vyrašacca z hledzišča metazhodnaści
Pytańnie ab mahčymaści raźmiaščeńnia ŭ Biełarusi rasijskich sistem S-400 budzie vyrašacca z punktu hledžańnia metazhodnaści ŭ ramkach harantavańnia biaśpieki dźviuch dziaržaŭ, zajaviŭ pres-sakratar prezidenta Rasii Dźmitryj Piaskoŭ.
Padčas razmovy z žurnalistami Piaskova paprasili prakamientavać niadaŭniuju zajavu Alaksandra Łukašenki ab płanach atrymać rasijskija sistemy S-400, paviedamlaje interfax.by.
Pres-sakratara spytali, nakolki metazhodna i ci jość sens dysłakavać u Biełarusi S-400.
«Heta pytańnie metazhodnaści z punktu hledžańnia sumiesnych intaresaŭ biaśpieki dźviuch dziaržaŭ i adnoj Sajuznaj dziaržavy. Kiraŭnictva budzie prymać adpaviednaje rašeńnie», — adkazaŭ Piaskoŭ.
U jaho ŭdakładnili, jakija mahčymyja terminy pastaŭki sistem S-400. «Terminy ja nie mahu vam nazvać», — zajaviŭ Piaskoŭ.
Łukašenka skazaŭ, što kompleksy S-400 raźmieściać uzdoŭž miažy z Ukrainaj
