Siońnia — hod «karahodu» ŭ Breście. Pa hetaj spravie asudžanyja niekalki dziasiatkaŭ čałaviek
Hod tamu, 13 vieraśnia 2020 hoda, u Breście padčas čarhovaj akcyi pratestu demanstranty pierakryli ruch na skryžavańni praśpiekta Mašerava, bulvara Kasmanaŭtaŭ i bulvara Šaŭčenki, zładziŭšy karahod. Kab ich razahnać, pryjechaŭ vadamiot.
Fota SK
Hety karahod paciahnuŭ niezvarotnyja nastupstvy. Była zaviedziena kryminalnaja sprava pa č. 1 art. 342 (Aktyŭny ŭdzieł u hrupavych dziejańniach, jakija hruba parušajuć hramadski paradak i jakija pryviali da parušeńnia pracy transpartu i pradpryjemstvaŭ) KK.
SK vyjaviŭ 115 čałaviek, jakija mieli dačynieńnie da hetaha karahodu, a 108 čałaviekam byli vystaŭlenyja abvinavačvańni.
Ludziej sudziać hrupami, dajučy terminy ad «chatniaj chimii» da realnych terminaŭ (da troch z pałovaj hadoŭ zvyčajnaj chimii).
Užo asudžana bolš za 80 čałaviek.