Za minułyja sutki ŭ Litvu nie prapuścili 40 nielehałaŭ. Polšča zafiksavała 509 sprobaŭ
Adnaho zamiežnika puścili pa humanitarnych pryčynach.
Delfi
Za minułyja sutki litoŭskija pamiežniki nie prapuścili ŭ krainu kala 40 nielehalnych mihrantaŭ, paviedamlaje Delfi.lt sa spasyłkaj na Słužbu achovy dziaržmiažy Litvy.
Prykładna pałova nielehałaŭ znachodziłasia la miažy ŭ Łaździjskim rajonie (miažuje z Polščaj i Biełaruśsiu, u rajonie Hrodna).
Adnaho zamiežnika ŭpuścili ŭ krainu pa humanitarnych pryčynach.
Słužba achovy miažy paviedamlaje, što ŭ Šalčyninkskim rajonie (častka hetaha rajona z usich bakoŭ abstupaje Biełaruś) byŭ zafiksavany vypadak, kali adzin z dvuch pamiežnikaŭ, što patrulujuć ź biełaruskaha boku, mahčyma, pierasiok miažu, apynuŭsia na kantrolnaj pałasie ź litoŭskaha boku i adrazu ž viarnuŭsia na svaju terytoryju.
Zatoje polskija pamiežniki za vychadnyja vyjavili 509 sprobaŭ niezakonnaha pierasiačeńnia miažy z boku Biełarusi.
7 nielehałaŭ byli zatrymanyja: 5 hramadzian Siryi i 2 — Samali. Astatnija sproby byli sarvanyja.