Łukašenka: Biełaruś nie budzie razmaŭlać z Zachadam, pakul nie buduć źniatyja «biazmozhłyja sankcyi»
Pra heta jon zajaviŭ siońnia žurnalistam na Abuz-Lasnoŭskim palihonie padčas naviedvańnia vučeńniaŭ «Zachad-2021».
BiełTA
Havoračy, u pryvatnaści, ab mihracyjnym kryzisie na jeŭrapiejskaj miažy, Alaksandr Łukašenka adznačyŭ, što ŭ hetym pytańni miač na baku zachodnich partnioraŭ.
«Chočacie žyć biaśpiečna — pryjazdžajcie. Vyznačym miesca, budziem sustrakacca, abmiarkoŭvać hetyja pytańni. Ale pakul nie buduć źniatyja hetyja biazmozhłyja sankcyi i prynižeńnie našych patryjatyčnych ludziej, ź imi razmaŭlać nichto nie budzie, na kaleni my nie staniem», — cytuje Łukašenka BiełTA.
Jon dadaŭ, što zachodnija sankcyi apynulisia biaździejnymi, tamu ŭ Biełarusi nie pieražyvajuć ab novych mahčymych abmiežavańniach.
«Chočacie dapamohi — pavodźcie siabie dastojna. Nie treba nas ličyć niejkimi druharadnymi ludźmi, — padkreśliŭ Alaksandr Łukašenka. — U nas jość usio dla taho, kab abaranić našu krainu ad lubych zamachaŭ».
