«Radyjo Polšča»: Mihrantaŭ, što žyli la miažy, viarnuli ŭ Biełaruś
Biełaruski bok viarnuŭ bolš za try dziasiatki zamiežnikaŭ, jakija ŭ siaredzinie žniŭnia asieli na miažy z Polščaj, paviedamiła kiraŭnictva Prybužanskaha pamiežnaha atrada.
«Biełaruskija słužby evakujavali niekalki dziasiatkaŭ mihrantaŭ. Ludzi amal miesiac žyli na terytoryi Biełarusi pobač z polskaj miažoj u raźliku na niezakonnaje praniknieńnie ŭ ES», — paviedamlaje «Radyjo Polšča» sa spasyłkaj na kiraŭnika padraździaleńnia Daryjuša Sienickaha.
Jon pry hetym padkreśliŭ, što zhadanaja hrupa mihrantaŭ nikoli nie była na polskaj terytoryi. Dziaržaŭny pamiežny kamitet Biełarusi pakul što nijak nie prakamientavaŭ zajavu.
Bolš za try dziasiatki mihrantaŭ apynulisia pad achovaj siłavych struktur dźviuch krain na polska-biełaruskaj miažy niedaloka ad nasielenaha punkta Usnaž-Horny. Z dvuch bakoŭ ich achoŭvali pradstaŭniki Biełarusi i Polščy, nie dazvalajučy prajści ni ŭ adzin z bakoŭ.
