Pieramožcaj US Open stała 18-hadovaja brytanskaja siensacyja Ema Radukanu. Jana startavała z kvalifikacyi
U finale turniru Adkrytaha čempijanatu ZŠA pa tenisie pieramahła 18-hadovaja Ema Radukanu, jakaja vystupaje za Brytaniju. Joj supraćstajała 19-hadovaja kanadka Łejła Fiernandes. Taja, što vybiła ŭ paŭfinale Arynu Sabalenku.
usopen.org
Radukanu vyjhrała finał ź likam 6:4, 6:3.
Abiedźvie dziaŭčyny, jakim niama i 20, stali siensacyjaj hetaha turniru. Finał pamiž numarami 150 i 73 naŭrad ci chtości moh pradkazać.
Historyja 18-hadovaj Radukanu zdajecca kazačnaj. Jana znachodziłasia tak nizka ŭ suśvietnym rejtynhu tenisistak, što joj daviałosia pačynać baraćbu na US Open z kvalifikacyjnych raŭndaŭ. Ema ŭsie ich vyjhrała i stała pieršaj u historyi žančynaj, jakaja vyjšła ŭ finał turniru Vialikaha šlema takim šlacham, piša Bi-bi-si.
Radukanu naradziłasia ŭ Kanadzie ŭ siamji rumyna i kitajanki, ale vyrasła ŭ Vialikabrytanii. Jana stała pieršaj brytankaj, jakaja vyjšła ŭ finał bujnoha turniru za apošnija 44 hady.
Sacyjalnyja sietki i ŚMI Brytanii poŭnyja padtrymki na adras Radukanu. Pažadańni ŭdačy joj adpravili, u pryvatnaści, prync Uiljam i hiercahinia Kiembrydžskaja Kiejt, byłaja pieršaja rakietka Brytanii Cim Chienman, futbalist «Mančester Junajted» Markus Rašford i navat rok-muzyka z byłoj hrupy Oasis Lijam Hałachier.
U finale mužčynskaha turniru zhulajuć sierb Novak Džokavič i rasijanin Daniił Miadźviedzieŭ.
