Pucin adkryŭ hihancki, 20-mietrovy manumient Alaksandra Nieŭskaha na bierazie Čudskoha voziera, na miažy z Estonijaj
Na bierazie Čudskaha voziera ŭ Pskoŭskaj vobłaści Rasii adkryli miemaryjalny kompleks «Kniaź Alaksandr Nieŭski z družynaj», u cyrymonii ŭziaŭ udzieł prezident RF Uładzimir Pucin, paviedamlaje RBK sa spasyłkaj na pres-słužbu Kramla.
«Tut, na Čudskim voziery, kniaź Alaksandr Nieŭski sa svajoj družynaj razhramiŭ inšaziemnych zachopnikaŭ, abaraniŭ Noŭharad i Pskoŭ, a pa sutnaści — usiu Staražytnuju Ruś. Hetaja pieramoha stała adnym ź simvałaŭ vajskovaj słavy Rasii», — zajaviŭ Pucin.
Adkryćcio manumienta prymierkavana da 800-hodździa z dnia naradžeńnia kniazia. Kompleks byŭ stvorany pa inicyjatyvie mitrapalita Cichana (Šaŭkunova), jaho ŭźviali śpiecyjalisty vajenna-budaŭničaha kompleksu Ministerstva abarony. Kampazicyja składajecca ź fihur Alaksandra Nieŭskaha i viciaziaŭ, nad im — hrupa ściahoŭ, a pad ich nahami — daśpiechi zrynutaha voraha. Ahulnaja vyšynia miemaryjała pieravyšaje 20 mietraŭ.
